कऱ्हाडचे सुपुत्र सुभेदार धनंजय यादव यांचे जल्लोषात स्वागत २८ वर्षांच्या उज्ज्वल लष्करी सेवेनंतर कऱ्हाडमध्ये भव्य सत्कार

 

कराड : विद्या मोरे 

भारतीय सैन्यात कोर ऑफ सिग्नल्स रेजिमेंट मध्ये तब्बल २८ वर्षे अविरत सेवा बजावून सेवानिवृत्त झालेले सुभेदार श्री धनंजय ज्ञानदेव यादव यांचे त्यांच्या जन्मभूमी कऱ्हाडमध्ये जल्लोषात स्वागत करण्यात आले.

🇮🇳 देशसेवेत योगदान

सुभेदार यादव यांनी सेवा काळात जम्मू-काश्मीर, आसाम, अरुणाचल प्रदेश, पंजाब, मध्यप्रदेश, राजस्थान, पश्चिम बंगाल यांसारख्या अत्यंत संवेदनशील सीमावर्ती राज्यांमध्ये कर्तव्य बजावले.

ते १९९७ साली भारतीय सैन्यात भरती झाले व १९९९ च्या कारगिल युद्धात सहभागी होण्याचा त्यांना मान मिळाला.

तसेच ऑपरेशन विजय, विविध युद्धसराव, तसेच अखेरच्या कार्यकाळात ऑपरेशन सिंदूर मध्येही त्यांनी महत्वपूर्ण भूमिका बजावली. सेवाकाळात अनेक जवानांना मार्गदर्शन करून त्यांनी स्वतःची भक्कम छाप सोडली.

३० नोव्हेंबर २०२५ रोजी ते मान्यवर सेवानिवृत्त झाले.

🎓 शैक्षणिक प्रवास

कऱ्हाडचे सुपुत्र असलेले धनंजय यादव हे रविवार पेठेत वास्तव्यास असून मूळ गाव चोरे (उंब्रज) आहे.

त्यांनी प्राथमिक व माध्यमिक शिक्षण नगरपरिषद शाळा क्र. ०२, श्री शिवाजी विद्यालय कऱ्हाड, तसेच पुढील शिक्षण वेणुताई चव्हाण कॉलेज व स.गा.म. कॉलेज येथे पूर्ण केले.

🎉 कऱ्हाडमध्ये जल्लोषात स्वागत

सुभेदार यादव यांच्या सत्कारासाठी श्री सोमेश्वर मंदिर, कऱ्हाड येथे भावनिक स्वागत कार्यक्रम पार पडला.

शाल, श्रीफळ देऊन सत्कार, महिलांनी औक्षण, फटाक्यांची आतषबाजी, पुष्पवृष्टी, पेढेवाटप आणि केक कापून स्वागत करण्यात आले.

🎖️ मान्यवरांची उपस्थिती

या कार्यक्रमास माजी नगरसेवक श्री नाना घोडके, शिवराज धाब्याचे मालक श्री नामदेव थोरात, श्री पोपटराव साळुंखे, दाजी चव्हाण, शेखर बर्गे, सागर बर्गे, बापू करपे, गौतम करपे, सन्नी घोडके यांसह

सोमेश्वर शिवाजी गणेश मंडळ, छत्रपती गणेश मंडळ, अल्हाद गणेश मंडळ, गजानन नाट्य मंडळ, समता गणेश मंडळ, त्रिमूर्ती गणेश मंडळ यांचे असंख्य कार्यकर्ते मोठ्या संख्येने उपस्थित होते.

🌟 आगामी भव्य सन्मान सोहळा

लवकरच शहरातील सर्व मंडळे व फौजी मित्रपरिवार यांच्या वतीने त्यांच्या दीर्घ आणि अमूल्य देशसेवेप्रती कृतज्ञता व्यक्त करण्यासाठी एक भव्य सन्मान सोहळा आयोजित केला जाणार आहे.