कराड निवडणुकीत उमेदवारी अर्जांची वाढ; पाचव्या दिवशी 14 अर्ज, नगराध्यक्षपदासाठी शून्य प्रतिसाद

 

कराड : विद्या मोरे

कराड नगरपरिषदेच्या पंचवार्षिक निवडणुकीत आज (14 नोव्हेंबर) अर्ज दाखल करण्याच्या पाचव्या दिवशी एकूण 14 उमेदवारी अर्ज दाखल झाले. मात्र नगराध्यक्ष पदासाठी एकही अर्ज न दाखल झाल्याने राजकीय वर्तुळात चर्चेला उधाण आले आहे.

भाजपकडून 9, लोकशाही आघाडीकडून 2, तर 3 अपक्ष उमेदवारांनी आज नामनिर्देशन दाखल केले.

आज दाखल झालेली प्रभागनिहाय नावे

• प्रभाग 3: पवार ज्योती अधिकराव (अपक्ष)
• प्रभाग 4: मोहिते स्वाती रमेश (भाजप), रामुगडे शिवाजी कांतीसुरत (भाजप)
• प्रभाग 7: कुलकर्णी अजय अरविंद (अपक्ष)
• प्रभाग 8: विभूते विनायक शिवलिंग (भाजप)
• प्रभाग 9: साळुंखे विद्याराणी घनश्याम (लोकशाही आघाडी), साळुंखे प्रताप घनश्याम (लोकशाही आघाडी)
• प्रभाग 10: भोपते विक्रम राजाराम (भाजप)
• प्रभाग 11: रैनाक प्रसाद नरेंद्र (भाजप)
• प्रभाग 13: हूलवान स्मिता रवींद्र (भाजप), शाह निखिल प्रमोद (भाजप), शाह गिरीश बाबूलाल (भाजप)
• प्रभाग 14: भोंगाळे प्रियांका दत्तात्रेय (अपक्ष), पवार महादेव बळवंत (भाजप)
  

प्रशासनाकडून माहिती

निवडणूक निर्णय अधिकारी अतुल म्हेत्रे यांनी आज दाखल झालेल्या अर्जांची माहिती दिली. सर्व उमेदवारांनी आवश्यक कागदपत्रांसह आपले नामनिर्देशन सादर केले असून सहाय्यक निवडणूक निर्णय अधिकारी प्रशांत व्हटकर हे यावेळी उपस्थित होते.

नामनिर्देशन दाखल करण्याची अंतिम मुदत

• १७ नोव्हेंबरपर्यंत अर्ज दाखल करता येतील
• ऑनलाईन: सकाळी ११ ते दुपारी २
• प्रत्यक्ष: सकाळी ११ ते दुपारी ३
  

नगराध्यक्ष पदासाठी अद्याप कोणताही अर्ज नसल्यामुळे आगामी दोन दिवसांत परिस्थितीत बदल होण्याची शक्यता व्यक्त केली जात आहे.

---