🔥नगराध्यक्षपदासाठी 17 उमेदवार रिंगणात; 5 अर्ज अवैध – छाननी प्रक्रिया पार पडली

कराड : विद्या मोरे

कराड नगरपरिषद सार्वत्रिक निवडणूक 2025 अंतर्गत नगराध्यक्ष व नगरसेवक पदांसाठी दाखल झालेल्या नामनिर्देशन पत्रांची छाननी मंगळवार, दि. 18 नोव्हेंबर रोजी सकाळी 11 ते सायं. 5 या वेळेत स्व. यशवंतराव चव्हाण बहुउद्देशीय केंद्र, शनिवार पेठ येथे झाली.

छाननीचे काम कराड नगरपरिषदेचे निवडणूक निर्णय अधिकारी अतुल म्हेत्रे यांच्या मार्गदर्शनाखाली पार पडले. यावेळी निवडणूक निरीक्षक (ऑब्जर्व्हर) श्रीमती ज्योती कावरे, सहाय्यक निवडणूक निर्णय अधिकारी रोहिणी शिंदे व प्रशांत व्हटकर उपस्थित होते.

---

✔ नगराध्यक्षपदासाठी 17 अर्ज वैध

छाननीनंतर नगराध्यक्षपदासाठी एकूण 17 उमेदवारांचे अर्ज वैध ठरले. त्यामध्ये पुढील उमेदवारांचा समावेश :

• विनायक पावस्कर (2 अर्ज) – भाजप
• झाकीर पठाण – काँग्रेस / अपक्ष
• राजेंद्रसिंह यादव – यशवंत विकास आघाडी / शिवसेना
• अल्ताफ शिकलगार – अपक्ष
• रणजीत पाटील (3 अर्ज) – अपक्ष
• इमरान मुल्ला – बसप
• गणेश कापसे – अपक्ष
• श्रीकांत घोडके – अपक्ष
• शरद देव – अपक्ष
• बापू लांडगे – अपक्ष
• अतुल शिंदे – भाजप
• किरण थोरवडे – बसप

---

❌ अवैध ठरलेले 5 अर्ज

छाननीदरम्यान पुढील 5 अर्ज अवैध घोषित करण्यात आले:

• अल्ताफ शिकलगार
• सुहास जगताप
• रणजीत पाटील (शिवसेना)
• राजेंद्र माने
• इंद्रजीत गुजर