📰 संत गाडगेबाबांच्या पुण्यतिथीनिमित्त परीट समाजाकडून अभिवादन; वधू-वर पालक मेळाव्याला उत्स्फूर्त प्रतिसाद

कराड : विद्या मोरे
कराड तालुका परीट समाज सेवा मंडळाच्या वतीने संत गाडगेबाबांच्या पुण्यतिथीनिमित्त आयोजित कार्यक्रमात त्यांना अभिवादन करून भावपूर्ण श्रद्धांजली अर्पण करण्यात आली. कार्यक्रमाच्या अध्यक्षस्थानी कृष्णा सहकारी साखर कारखान्याचे संचालक बबनराव शिंदे (अप्पा) होते.

या कार्यक्रमास बेळगावचे किरण बांदेकर, अनिल साळुंखे, प्रकाश जाधव, महेश सुळे, उत्तमराव राऊत, गणेश जाधव, नानासाहेब पवार, अमर बनारसे आदी मान्यवर उपस्थित होते. प्रारंभी मान्यवरांच्या हस्ते संत गाडगेबाबांच्या प्रतिमेचे पूजन करून अभिवादन करण्यात आले.

यावेळी आयोजित वधू-वर पालक मेळाव्याला परीट समाज बांधवांचा उदंड प्रतिसाद लाभला. समाजातील युवक-युवतींना योग्य जुळव्या मिळाव्या, या उद्देशाने हा उपक्रम राबविण्यात आला.

अध्यक्षस्थानील मनोगतात बबनराव शिंदे यांनी संत गाडगेबाबांच्या विचारांचा वसा-वारसा पुढील पिढ्यांपर्यंत पोहोचवण्यासाठी सामाजिक ऐक्य आणि कार्याची गरज असल्याचे सांगितले.

कार्यक्रमात समाजातील नवनियुक्त सदस्यांसह विविध क्षेत्रात उल्लेखनीय कार्य करणाऱ्या व्यक्तींचा सत्कार करण्यात आला. त्यामध्ये

• मलकापूर नगरपालिका निवडणुकीत बिनविरोध निवड झाल्याबद्दल ज्योत्स्ना अभिजीत शिंदे
• आदर्श शिक्षक पुरस्कारप्राप्त मीनाक्षी प्रसन्न रसाळ

यांचा विशेष सन्मान करण्यात आला.

कार्यक्रमाचे प्रास्ताविक आणि सूत्रसंचालन सुनील परिट यांनी केले, तर तानाजी पवार यांनी आभार मानले. कराड शहर व तालुक्यातील परीट समाज बांधव मोठ्या संख्येने उपस्थित होते.

या कार्यक्रमाच्या यशस्वीतेसाठी बाळासाहेब यादव, संजय गायकवाड, दिलीपराव नलावडे, चंद्रकांत गायकवाड, नंदकुमार गायकवाड, प्रवीण राक्षे, संदीप पारवे, अजिंक्य राऊत, केदार रसाळ, दिगंबर यादव, श्रीरंग रोकडे, अमोल कोकाटे, सचिन साळुंखे, सागर राऊत, निवास काटकर आदींसह सर्व सदस्यांनी परिश्रम घेतले.