ज्येष्ठ नागरिक संघ, कराडतर्फे डिसेंबर महिन्यातील सदस्यांचा वाढदिवस उत्साहात साजरा‘आरोग्यम् धनसंपदा’ विषयावर प्रा. डॉ. बी. एन. गोफणे यांचे मार्गदर्शन
कराड : विद्या मोरे
कराड येथील ज्येष्ठ नागरिक संघातर्फे सदस्यांचे वाढदिवस उत्साहपूर्ण वातावरणात साजरे करण्यात आले. या कार्यक्रमानिमित्त ‘आरोग्यम् धनसंपदा’ या विषयावर प्रा. डॉ. बी. एन. गोफणे यांचे व्याख्यान आयोजित करण्यात आले होते. तसेच संघाच्या आगामी मेळाव्याचे संयोजक प्रा. डॉ. अशोकराव पाटील (मुंबई) हे विशेष पाहुणे म्हणून उपस्थित होते.
हा कार्यक्रम रविवार, दि. 28 डिसेंबर रोजी सायंकाळी 5 वाजता लिबर्टी ग्राउंड (तालमी समोर) येथे पार पडला. कार्यक्रमाचे स्वागत व प्रास्ताविक ज्येष्ठ नागरिक संघाचे संस्थापक अध्यक्ष प्रा. डॉ. चंद्रकांत माने यांनी केले.
डिसेंबर महिन्यातील वाढदिवसानिमित्त
प्रा. आर. जी. चव्हाण आणि
श्री. सलीमभाई शेख
यांचा शाल, श्रीफळ व पुष्पगुच्छ देऊन सत्कार करण्यात आला. हा सत्कार प्रा. डॉ. बी. एन. गोफणे व प्रा. डॉ. अशोकराव पाटील (मुंबई) यांच्या हस्ते संपन्न झाला.
विशेष गौरव
कार्यक्रमात संघातील सदस्य श्री. विनोद जानुगडे यांना डी. लावल कंपनीचा सेवाजेष्ठता पुरस्कार प्राप्त झाल्याबद्दल संघातर्फे सन्मानित करण्यात आले. श्री. सुभाषराव शहा यांचाही विशेष सत्कार करण्यात आला. तसेच सौ विद्या मोरे यांचाही अखिल भारतीय पत्रकार संघ उपजिल्हा अध्यक्ष म्हणून निवड झाल्याबद्दल त्यांचाही सत्कार करण्यात आला
प्रमुख पाहुण्यांचे व्याख्यान
यानंतर प्रा. डॉ. बी. एन. गोफणे यांनी ‘आरोग्यम् धनसंपदा’ या विषयावर मार्गदर्शन केले.
नियमित व्यायाम, संतुलित आहार, मानसिक स्वास्थ्य आणि शिस्तबद्ध जीवनशैली यांचे महत्त्व त्यांनी उदाहरणांसहित स्पष्ट केले. आरोग्य हेच आयुष्याची खरी संपत्ती असल्याचे त्यांनी प्रतिपादन केले. उपस्थितांनी व्याख्यानाचा लाभ घेतला.
मनोगत व आभार प्रदर्शन
कार्यक्रमात श्री. सलीमभाई शेख यांनी सत्कारास उत्तर दिले.
तसेच प्रा. डॉ. अशोकराव पाटील (मुंबई) आणि श्री. विनोद जानुगडे यांनी आपले मनोगत व्यक्त केले.
आभार प्रदर्शन प्रा. अशोक आटकर यांनी प्रस्तावित केले.
संघटित व शिस्तबद्ध आयोजन
कार्यक्रमासाठी सदस्यांनी विशेष ड्रेस कोडचा अवलंब केला होता. वेळेचे काटेकोर पालन करून कार्यक्रम शिस्तबद्ध वातावरणात संपन्न झाला. कार्यक्रमानंतर श्री. विनोद जानुगडे आणि प्रा. आर. जी. चव्हाण यांच्या सौजन्याने अल्पोपहाराचे आयोजन करण्यात आले.
ज्येष्ठ नागरिक संघाचे “आपला संघ — आपला अभिमान” हे ब्रीद यानिमित्त अधोरेखित झाले असून, या उपक्रमामुळे परस्पर स्नेह व सामाजिक बांधिलकी अधिक दृढ होत असल्याचे उपस्थितांनी नमूद केले.
Comments
Post a Comment