📰 सहकार क्षेत्रात आणखी बळ — कोयना वाहतूक संस्थेची दमदार झेप; ताफ्यात Ashok leyland चा अत्याधुनिक ट्रक दाखल

March 18, 2026

कराड : सहकार क्षेत्रात आपली कोयना सहकारी वाहतूक संस्थेच्या नव्या ट्रकचे पूजन करून ट्रकची चावी संस्थेच्या पदाधिकाऱ्यांकडे सुपूर्द करताना मान्यवर.

कराड : विद्या मोरे

ओळख निर्माण केलेल्या कोयना सहकारी वाहतूक कामगार संस्थेच्या ताफ्यात Ashok leyland कंपनीचा अत्याधुनिक नवा ट्रक समाविष्ट करण्यात आला आहे. संस्थापक अॅड. उदयसिंह पाटील (उंडाळकर) यांच्या मार्गदर्शनाखाली कार्यरत असलेल्या संस्थेच्या या नव्या वाहनाचे लोकार्पण व पूजन सोहळा उंडाळे येथील स्वातंत्र्यसैनिक शामराव पाटील पतसंस्थेच्या मुख्य कार्यालयासमोर उत्साहपूर्ण वातावरणात पार पडला.

नवीन ट्रकच्या खरेदीसाठी स्वा. सै. शामराव पाटील पतसंस्थेचे आर्थिक सहकार्य लाभले असून मान्यवरांच्या शुभहस्ते वाहनाचे विधिवत पूजन करण्यात आले. यावेळी संस्थेचे चेअरमन तुकाराम उर्फ टी. आर. पाटील यांनी सांगितले की, कोयना वाहतूक संस्था ही सभासद व ग्राहकांच्या विश्वासास पात्र ठरलेली संस्था आहे. आधुनिक तंत्रज्ञानाचा वापर, शिस्तबद्ध कार्यपद्धती आणि कार्यक्षम व्यवस्थापनाच्या बळावर संस्थेची प्रगती सातत्याने होत असून नव्या वाहनांच्या समावेशामुळे संस्थेची वाहतूक सेवा अधिक सक्षम व गतिमान होणार आहे. त्यामुळे ग्राहकांना अधिक दर्जेदार व वेळेवर सेवा देणे शक्य होणार असल्याचे त्यांनी नमूद केले.

या कार्यक्रमास स्वा. सै. शामराव पाटील पतसंस्थेचे चेअरमन शहाजी शेवाळे, कोयना सहकारी वाहतूक संस्थेचे चेअरमन तुकाराम (टी. आर.) पाटील, व्हा. चेअरमन धनाजी पाटील, कराड पंचायत समिती सदस्य नितीन थोरात, कोयना दूध संघाचे उपाध्यक्ष शिवाजीराव जाधव, संचालक शिवाजी शिंदे, कराड तालुका खरेदी-विक्री संघाचे उपाध्यक्ष जगन्नाथ मोरे यांच्यासह विविध संस्थांचे पदाधिकारी मोठ्या संख्येने उपस्थित होते. तसेच पतसंस्थेचे संचालक सर्जेराव थोरात, हिंमत थोरात, राहुल यादव, अशोक चव्हाण, बळवंत पाटील, अशोक पोळ, आनंदराव माने, लालासो पवार, कोयना वाहतूक संस्थेचे संचालक विशाल पाटील, काशिनाथ कारंडे, गोतपागर, उंडाळे विकास सोसायटीचे चेअरमन ए. बी. पाटील (सर), दूध संस्थेचे चेअरमन आनंदराव पाटील, ग्रामपंचायत सदस्य बापूराव पाटील, सर्जेराव पाटील, पतसंस्थेचे व्यवस्थापक अधिकराव शेंळके, कोयना सहकारी वाहतूक संस्थेचे सचिव दत्ताजी देशमुख तसेच संस्थेचे सेवक उपस्थित होते.

यावेळी गोंदी विकास सोसायटीच्या सदस्यपदी लालासाहेब पवार यांची निवड झाल्याबद्दल त्यांचा सत्कार करण्यात आला. संस्थेच्या यशस्वी वाटचालीबद्दल सर्व स्तरांतून अभिनंदन व्यक्त करण्यात येत असून भविष्यातील प्रगतीसाठी मान्यवरांनी शुभेच्छा दिल्या.

The News Bharat 24

📰 सहकार क्षेत्रात आणखी बळ — कोयना वाहतूक संस्थेची दमदार झेप; ताफ्यात Ashok leyland चा अत्याधुनिक ट्रक दाखल

Comments

Post a Comment

Popular posts from this blog

कराड नगराध्यक्षपदासाठी नऊ उमेदवार मैदानात; भाजप, काँग्रेससह अपक्षांची जोरदार उपस्थिती