📰 समाजसेवा, कर्तृत्व आणि संघर्षाला सलाम — बापूसाहेब लांडगे नेतृत्वाखाली ३२ महिलांचा भव्य सत्कार

कराड : विद्या मोरे 

जनहिताय फाउंडेशनतर्फे सामाजिक बांधिलकी जपत समाजातील कर्तृत्ववान महिलांचा सन्मान करून त्यांच्या कार्याला नवी ऊर्जा देणारा भव्य उपक्रम राबविण्यात आला. अन्यायग्रस्त व पीडित कुटुंबांना न्याय मिळवून देणाऱ्या तसेच विविध क्षेत्रांत उल्लेखनीय कामगिरी करणाऱ्या महिलांना व्यासपीठावर गौरविणे ही त्यांच्या कार्याची समाजाकडून मिळालेली खरी पोचपावती असल्याचे यावेळी मत व्यक्त करण्यात आले.

महिला दिनाच्या पार्श्वभूमीवर आयोजित या कार्यक्रमात सुमारे ३२ कर्तृत्ववान महिलांचा मान्यवरांच्या हस्ते मंचावर सत्कार करण्यात आला. प्रत्येक सन्माननीय महिलेला साडी–चोळीचा पारंपरिक पोशाख आणि सन्मान चिन्ह देऊन त्यांच्या कार्याला प्रत्यक्ष आणि सांस्कृतिक रूपात गौरविण्यात आले, ज्यामुळे सोहळ्याला एक विशेष रंग आणि गरिमा लाभली. महिला वर्गाने उत्स्फूर्त उपस्थिती दाखवत टाळ्यांच्या गजरात सामाजिक उपक्रमाचे स्वागत केले.

कार्यक्रमाचे उद्घाटन कराड नगरपरिषदेच्या नगरसेविका वैष्णवी रमेश वायदंडे यांच्या हस्ते दीपप्रज्वलनाने झाले. यावेळी उपविभागीय पोलीस अधिकारी राजश्री पाटील, सहाय्यक प्रादेशिक परिवहन अधिकारी विन्दा गुरावे, मुख्याधिकारी प्रशांत व्हटकर, पोलीस निरीक्षक दत्तात्रय दराडे, नगरसेवक नरेंद्र लिबे आदी मान्यवर उपस्थित होते. महिला विषयक कायद्याचे अभ्यासक अॅड. प्रमोद तडाखे यांनी महिलांच्या हक्क व कायद्यांबाबत मार्गदर्शन केले, तर अनेकांनी महिला शिक्षण, आरोग्य आणि समाजकार्य याबाबत प्रेरक अनुभव सांगितले.

फाउंडेशनच्या वतीने ‘वीर पत्नी’, ‘अनाधांची माय माऊली’, ‘आदर्श मुख्याध्यापिका’, ‘आदर्श प्रशासकीय अधिकारी’, पोलीस व आरोग्य विभागातील उत्कृष्ट सेवा, ‘आदर्श माता–सासू–सून–पत्नी–मुलगी’, तसेच उत्कृष्ट सरपंच व पोलीस पाटील अशा विविध पुरस्कारांनी महिलांचा गौरव करण्यात आला.

सन्मानित महिलांमध्ये रेखा सूर्यवंशी, विद्या माने, वृषाली तांबवेकर, जयश्री देशपांडे, वैशाली सोनावले, मुस्कान शेख, अस्मिता देशमुख, अश्विनी पाटील, सुरेखा गोरे, प्रसन्ना धामणे, रजनी पाटोळे, शबनम मुजावर, सोनाली माने, गौरी आवळे, विजया माने, सोनाली पिसाळ, पुष्पा चव्हाण, अश्विनी सूर्यवंशी, तृप्ती वीर, प्रतिभा कणसे, अश्विनी सरकाळे, रुबीना मुलाणी, सवीता इवले, अनिता जाधव, सुरेखा सूर्यवंशी, प्रतिभा साखरे, रेशमा मिस्री, कल्पना पाटील, कल्पना खामकर, रंजना आमदार, राजवी पाटील, अर्चना खताळ आणि साक्षी माने यांचा समावेश होता.

कार्यक्रमास अखिल भारतीय पत्रकार संघाच्या जिल्हाध्यक्ष विद्या मोरे, कल्पना ढवळे-भंडारे, सरपंच भारती मदने, निर्मला जिरगे, दिलीप चव्हाण, नगरसेवक अख्तर हुसेन अधिकारी, राहुल भोसले, अशोक आण्णा भोसले, अमर तुपे आदी मान्यवर उपस्थित होते.

जनहिताय फाउंडेशनचे संस्थापक अध्यक्ष बापूसाहेब लांडगे यांच्या नेतृत्वाखाली मारुती बोभाटे, बाजीराव कमाने, राजेंद्र ताटे, विशाल माने, विशाल लंगडे, दिपाली कदम, सुरज सरगर, चंद्रकांत चव्हाण, कमल सकट, सर्जेराव बनसोडे, दाजी विरकर, विद्या घबाडे, क्षितिज जाधव आदींनी कार्यक्रम यशस्वी करण्यासाठी परिश्रम घेतले.

सातारा जिल्हाभरातून या सामाजिक उपक्रमाचे कौतुक होत असून, महिलांच्या सशक्तीकरणासाठी हा कार्यक्रम प्रेरणादायी ठरल्याची भावना उपस्थितांनी व्यक्त केली. यावेळी अनेकांनी या सोहळ्याच्या माध्यमातून समाजात महिलांच्या कार्याचा आदर वाढावा आणि त्यांच्या कर्तुत्वाला अधिक प्रोत्साहन मिळावे अशी अपेक्षा व्यक्त केली.

 हा उपक्रम फक्त सत्कार नव्हे, तर समाजात स्त्रियांच्या योगदानाचा उत्सव आहे, ज्यातून महिला शिक्षण, आरोग्य, न्याय आणि सामाजिक कार्य यासाठी नवी प्रेरणा मिळते.