📰 पुण्यात महिलांसाठी विशेष ‘ग्राहक अधिवेशन’ — २५० महिलांचा उत्स्फूर्त प्रतिसाद

कराड ; विद्या मोरे

यांच्या वतीने १५ मार्च २०२६ रोजी येथे महिलांसाठी विशेष ग्राहक अधिवेशन मोठ्या उत्साहात पार पडले. सुमारे २५० महिलांनी उपस्थित राहून कार्यक्रमाला उत्स्फूर्त प्रतिसाद दिला.

या अधिवेशनाचा उद्देश महिलांना ग्राहक हक्क, फसवणूक टाळण्याचे उपाय, ऑनलाईन व्यवहारातील सुरक्षितता तसेच वस्तू-सेवा खरेदी करताना घ्यावयाची काळजी याबाबत जागरूक करणे हा होता. ग्राहक संरक्षण कायद्यांतर्गत उपलब्ध अधिकार, तक्रार नोंदविण्याची प्रक्रिया आणि न्याय मिळविण्याचे मार्ग याबाबत सविस्तर माहिती देण्यात आली.

या वेळी निवृत्त ग्राहक न्यायाधीश श्री. उमेश जवळीकर यांनी ग्राहक न्यायालयाची कार्यपद्धती, आवश्यक कागदपत्रे, तक्रार दाखल करण्याची पद्धत तसेच दैनंदिन जीवनातील ग्राहक फसवणुकींची उदाहरणे देऊन प्रभावी मार्गदर्शन केले.

तसेच ॲड. प्रार्थना सदावर्ते, नवनाथ बांदल, शत्रुघ्न घाडगे, पुणे व्यापारी संघाचे अध्यक्ष सचिन निवंगुणे आणि संघटनेच्या महिला अध्यक्षा सौ. सविता बलकवडे यांनी ग्राहक साक्षरतेचे महत्त्व अधोरेखित करत विविध विषयांवर मार्गदर्शन केले. महिलांनी खरेदी करताना बिल घेणे, उत्पादनाची माहिती तपासणे, बनावट ऑफरपासून सावध राहणे आणि आवश्यकतेनुसार कायदेशीर मदत घेणे यावर त्यांनी विशेष भर दिला.

कार्यक्रमाच्या यशस्वी आयोजनासाठी संघटनेचे अध्यक्ष दिलीप पाटील, संघटक दिलीप फडके, सचिव नागनाथ स्वामी, सहकोषाध्यक्ष हरीश फडतरे तसेच पुणे जिल्हाध्यक्ष दिलीप निंबाळकर यांनी परिश्रम घेतले.

महाराष्ट्रात ग्राहक संघटनेच्या वतीने केवळ महिलांसाठी स्वतंत्र अधिवेशन आयोजित करण्याचा हा पहिलाच उपक्रम ठरल्याने या कार्यक्रमाचे सर्व स्तरांतून कौतुक होत असून महिलांमध्ये ग्राहक जागरूकतेचा नवा संदेश पोहोचल्याची भावना व्यक्त होत आहे.