🚨 सामान्यांच्या प्रश्नांसाठी काँग्रेस आक्रमक; महागाई, बेरोजगारी आणि इंधन दरवाढी विरोधात साताऱ्यात शुक्रवारी जनआक्रोश आंदोलन

कराड  : विद्या मोरे

🔸 महागाईविरोधात काँग्रेसचा आक्रमक पवित्रा

सर्वसामान्य जनतेचे जगणे कठीण करणाऱ्या वाढत्या महागाई, बेरोजगारी आणि सातत्याने वाढणाऱ्या इंधन दरवाढीविरोधात सातारा जिल्हा काँग्रेस कमिटीतर्फे शुक्रवारी दि. 29 मे 2026 रोजी साताऱ्यात जनआक्रोश आंदोलन आयोजित करण्यात आले आहे. जिल्हाध्यक्ष नामदेव पाटील यांच्या नेतृत्वाखाली सकाळी 10 वाजता सातारा जिल्हा काँग्रेस कमिटी कार्यालय, एसटी स्टँडजवळ हे आंदोलन होणार आहे.

🔸 जीवनावश्यक वस्तूंच्या दरवाढीने जनता त्रस्त

पेट्रोल, डिझेल, घरगुती गॅससह जीवनावश्यक वस्तूंच्या वाढत्या किमतींमुळे सामान्य नागरिक आर्थिक संकटात सापडला आहे. शेतकरी, कामगार, छोटे व्यावसायिक, नोकरदार तसेच मध्यमवर्गीय कुटुंबांचे मासिक बजेट कोलमडले असून सरकार मात्र जनतेच्या प्रश्नांकडे दुर्लक्ष करत असल्याचा आरोप काँग्रेसकडून करण्यात येत आहे.

🔸 बेरोजगारीच्या मुद्द्यावरही सरकारला घेरणार

वाढती बेरोजगारी, उद्योगधंद्यांची मंदावलेली परिस्थिती आणि युवकांमधील वाढता असंतोष यामुळे काँग्रेस पक्ष आता अधिक आक्रमक झाला आहे. केंद्र व राज्य सरकारच्या धोरणांविरोधात जनतेच्या हक्कासाठी रस्त्यावर उतरून संघर्ष करण्याचा निर्धार काँग्रेस कार्यकर्त्यांनी व्यक्त केला आहे.

🔸 काँग्रेस पदाधिकारी व कार्यकर्त्यांना उपस्थितीचे आवाहन

या जनआक्रोश आंदोलनात सातारा जिल्ह्यातील काँग्रेसच्या सर्व सेलचे पदाधिकारी, युवक काँग्रेस, महिला काँग्रेस, एनएसयूआय, सेवा दल तसेच कार्यकर्त्यांनी मोठ्या संख्येने सहभागी व्हावे, असे आवाहन सातारा जिल्हा काँग्रेस कमिटीतर्फे करण्यात आले आहे.

📍 आंदोलन स्थळ :

सातारा जिल्हा काँग्रेस कमिटी कार्यालय, एसटी स्टँडजवळ, सातारा

⏰ वेळ :

शुक्रवार दि. 29 मे 2026 रोजी सकाळी 10 वाजता

📞 अधिक माहितीसाठी संपर्क :

9822739818

7709995181