बीसीए केंद्रीय प्रवेश प्रक्रिये साठी कागदपत्र पडताळणी व नोंदणीची अंतिम मुदत १६ जुलै केबीपी मॅनेजमेंट इन्स्टिट्यूट, वर्ये येथे मोफत फॅसिलिटी सेंटरची सुविधा; बीसीएस प्रवेश प्रक्रियेलाही प्रारंभ

 

कराड : विद्या मोरे 
महाराष्ट्र शासनाच्या तंत्रशिक्षण संचालनालयामार्फत राबविण्यात येणाऱ्या बीबीए (BBA) व बीसीए (BCA) या व्यावसायिक पदवी अभ्यासक्रमांच्या केंद्रीय प्रवेश प्रक्रियेसाठी कागदपत्र पडताळणी व ऑनलाइन नोंदणीची अंतिम तारीख १६ जुलै २०२६ असून, विद्यार्थ्यांनी मुदतीपूर्वी प्रवेश प्रक्रिया पूर्ण करण्याचे आवाहन करण्यात आले आहे.

● ६ ते १६ जुलैदरम्यान कागदपत्र पडताळणी
शासनाच्या नियमानुसार दि. ६ जुलै ते १६ जुलै २०२६ या कालावधीत अधिकृत फॅसिलिटी सेंटरवर विद्यार्थ्यांची कागदपत्र पडताळणी व केंद्रीय प्रवेश प्रक्रियेसाठी नोंदणी केली जाणार आहे. पात्र विद्यार्थ्यांनी आवश्यक कागदपत्रांसह वेळेत उपस्थित राहून प्रवेश प्रक्रिया पूर्ण करावी.

● सीईटी उत्तीर्ण विद्यार्थ्यांसाठी मोफत सुविधा
शासनाने आयोजित केलेली सीईटी परीक्षा दिलेल्या विद्यार्थ्यांसाठी रयत शिक्षण संस्थेच्या वर्ये येथील केबीपी मॅनेजमेंट इन्स्टिट्यूटच्या प्रवेश कक्षात मोफत फॅसिलिटी सेंटरची व्यवस्था करण्यात आली आहे. येथे विद्यार्थ्यांना नोंदणी, कागदपत्र पडताळणी तसेच प्रवेश प्रक्रियेबाबत आवश्यक मार्गदर्शनही उपलब्ध करून दिले जात आहे.

● बीसीएस अभ्यासक्रमासाठीही प्रवेश सुरू
बारावी विज्ञान शाखेत उत्तीर्ण झालेल्या, मात्र विविध कारणांमुळे सीईटी परीक्षा देता न आलेल्या विद्यार्थ्यांसाठीही दिलासादायक संधी उपलब्ध झाली आहे. अशा विद्यार्थ्यांसाठी विज्ञान व तंत्रज्ञान विद्याशाखेतील चार वर्षांचा बॅचलर ऑफ कॉम्प्युटर सायन्स (BCS) पदवी अभ्यासक्रमाच्या प्रवेश प्रक्रियेस सुरुवात झाली आहे.

● जागतिक स्तरावरील संगणक शिक्षणाची संधी
छत्रपती संलग्नित व महाराष्ट्र शासन मान्यताप्राप्त हा बीसीएस अभ्यासक्रम कॉम्प्युटर सायन्स आणि इन्फॉर्मेशन टेक्नॉलॉजी क्षेत्रातील आधुनिक व जागतिक दर्जाचे शिक्षण विद्यार्थ्यांना उपलब्ध करून देणारा आहे.

● विद्यार्थ्यांनी तातडीने संपर्क साधावा
इच्छुक विद्यार्थ्यांनी प्रवेशासंदर्भातील अधिक माहितीसाठी व प्रवेश प्रक्रिया पूर्ण करण्यासाठी केबीपी मॅनेजमेंट इन्स्टिट्यूट, वर्ये येथील प्रवेश कक्षाला भेट द्यावी, असे आवाहन संस्थेचे संचालक डॉ. बी. एस. सावंत यांनी केले आहे.