लायन्स क्लब कराड नक्षत्र तर्फे C.A. डे, कृषी दिन व डॉक्टर्स डे उत्साहात साजरा; विविध क्षेत्रातील मान्यवरांचा सत्कार
कराड, दि. १ : विद्या मोरे ; लायन्स क्लब कराड नक्षत्रतर्फे १ जुलै रोजी चार्टर्ड अकाउंटंट्स डे, कृषी दिन आणि डॉक्टर्स डे उत्साहात साजरा करण्यात आला. यानिमित्त आर्थिक, कृषी व आरोग्य क्षेत्रात उल्लेखनीय कार्य करणाऱ्या मान्यवरांचा रोपे व शाल
देऊन गौरव करण्यात आला.
● चार्टर्ड अकाउंटंट्स डे निमित्त गौरव :
श्री. विनोद सावंत, श्री. सागर देवाडीगा, श्री. समीर पाटील आणि श्री. मयूर माने यांचा सत्कार करण्यात आला. देशाच्या आर्थिक विकासात चार्टर्ड अकाउंटंट्सचे योगदान महत्त्वाचे असल्याचे यावेळी सांगण्यात आले.
● कृषी दिनानिमित्त शेतकऱ्यांचा सन्मान :
श्री. अनिल बापू घराळ , श्री. विवेक कुराडे आणि श्री. साबीर खतीब या प्रगतिशील शेतकऱ्यांचा सत्कार करण्यात आला. आधुनिक शेतीतील त्यांच्या योगदानाचे कौतुक करण्यात आले.
● डॉक्टर्स डे निमित्त सन्मान :
डॉ. सुनीला लाळे आणि डॉ. प्रीती ओसवाल यांचा आरोग्य क्षेत्रातील उल्लेखनीय सेवेसाठी सन्मान करण्यात आला. त्यांच्या कार्याबद्दल कृतज्ञता व्यक्त करण्यात आली.
● पदाधिकाऱ्यांची उपस्थिती :
कार्यक्रमास अध्यक्षा लायन राजश्री पालकर, सचिव लायन जयश्री साने, खजिनदार लायन विद्या मोरे तसेच लायन मीना काटे, लायन निमा काळे आणि लायन डॉ. प्रीती ओसवाल उपस्थित होत्या.
● सेवा कार्याची सुरुवात :
नवीन लायन वर्षाची सुरुवात समाजातील विविध क्षेत्रांतील कर्तृत्ववान व्यक्तींच्या सत्काराने करण्यात आली. यापुढेही समाजोपयोगी उपक्रम राबविण्याचा निर्धार व्यक्त करण्यात आला.
● आभार :
कार्यक्रम यशस्वी करण्यासाठी सहकार्य करणाऱ्या सर्व सत्कारमूर्ती, पदाधिकारी व सदस्यांचे लायन्स क्लब कराड नक्षत्रतर्फे आभार मानण्यात आले.
Comments
Post a Comment