आ. डॉ. अतुलबाबा भोसले यांच्या विशेष प्रयत्नांतून जखिणवाडी-कालवडेच्या विकासाला ८८.५० लाखांची भरीव चालना विविध विकासकामांचे भूमिपूजन व पूर्ण झालेल्या रस्ता कामाचे उद्घाटन; नागरिकांच्या सुविधांमध्ये होणार भर

. 

कराड, ता. ४ : विद्या मोरे

कराड दक्षिण विधानसभा मतदारसंघातील ग्रामीण भागाच्या सर्वांगीण विकासासाठी सातत्याने प्रयत्नशील असलेल्या आमदार डॉ. अतुलबाबा भोसले यांच्या विशेष प्रयत्नांतून जखिणवाडी व कालवडे या गावांतील विविध विकासकामांसाठी एकूण ८८ लाख ५० हजार रुपयांचा भरीव निधी मंजूर झाला आहे. या निधीतून करण्यात येणाऱ्या विविध विकासकामांचे भूमिपूजन तसेच पूर्ण झालेल्या विकासकामाचे उद्घाटन आमदार डॉ. अतुलबाबा भोसले यांच्या हस्ते उत्साहपूर्ण वातावरणात करण्यात आले.

जखिणवाडी गावाच्या विकासासाठी विविध योजनांतून एकूण ५६ लाख ५० हजार रुपयांचा निधी उपलब्ध झाला आहे. या निधीतून गावातील शैक्षणिक, सामाजिक तसेच पायाभूत सुविधांच्या विकासाला चालना देण्यात येणार आहे.

जखिणवाडी येथील जिल्हा परिषद शाळेच्या दुरुस्तीसाठी २५ लाख रुपयांचा निधी मंजूर करण्यात आला आहे. या कामामुळे शाळेच्या इमारतीची आवश्यक दुरुस्ती होऊन विद्यार्थ्यांना अधिक चांगल्या व सुरक्षित शैक्षणिक सुविधा उपलब्ध होण्यास मदत होणार आहे.

तसेच, गावातील संत रोहिदास नगर परिसरात ९ लाख ५० हजार रुपयांच्या निधीतून काँक्रीटीकरण व पेव्हर्स बसविण्याचे काम करण्यात येणार आहे. या विकासकामामुळे परिसरातील नागरिकांना ये-जा करण्यासाठी अधिक चांगली सुविधा उपलब्ध होणार असून, पावसाळ्यात निर्माण होणाऱ्या अडचणी दूर होण्यास मदत होणार आहे.

याशिवाय ७ लाख रुपयांच्या निधीतून गावातील अंतर्गत रस्त्यांची सुधारणा करण्यात येणार आहे. तसेच १५ व्या वित्त आयोगातून ८ लाख रुपयांच्या निधीतून रस्ता काँक्रीटीकरणाचे काम हाती घेण्यात आले आहे. या विविध विकासकामांचे भूमिपूजन आमदार डॉ. अतुलबाबा भोसले यांच्या हस्ते करण्यात आले.

दरम्यान, जखिणवाडी गावात यापूर्वी ७ लाख रुपयांच्या निधीतून करण्यात आलेल्या अंतर्गत रस्ता सुधारणा कामाचे उद्घाटनही यावेळी आमदार डॉ. अतुलबाबा भोसले यांच्या हस्ते करण्यात आले. या कामामुळे संबंधित परिसरातील नागरिकांची दळणवळणाची सुविधा अधिक सुकर झाली आहे.

कालवडे गावाच्या विकासासाठीही ३२ लाख रुपयांचा निधी मंजूर करण्यात आला आहे. यामध्ये गावाच्या प्रशासकीय सुविधांसाठी महत्त्वपूर्ण असलेल्या ग्रामसचिवालय इमारतीच्या बांधकामासाठी २५ लाख रुपयांचा निधी मंजूर करण्यात आला आहे. या नवीन इमारतीमुळे ग्रामपंचायतीच्या कामकाजासाठी अधिक सुसज्ज व सुलभ व्यवस्था निर्माण होणार आहे.

तसेच कालवडे गावातील स्मशानभूमीकडे जाणाऱ्या रस्त्याच्या काँक्रीटीकरणासाठी ७ लाख रुपयांचा निधी मंजूर करण्यात आला आहे. या रस्त्याचे काम पूर्ण झाल्यानंतर नागरिकांची दीर्घकाळची गैरसोय दूर होण्यास मदत होणार आहे. या दोन्ही महत्त्वपूर्ण विकासकामांचे भूमिपूजनही आमदार डॉ. अतुलबाबा भोसले यांच्या हस्ते करण्यात आले.

जखिणवाडी व कालवडे या दोन्ही गावांमध्ये हाती घेण्यात आलेल्या विकासकामांमुळे शिक्षण, अंतर्गत रस्ते, दळणवळण तसेच ग्रामपंचायत प्रशासनाच्या सुविधांमध्ये लक्षणीय सुधारणा होणार असून, गावांच्या सर्वांगीण विकासाला मोठी चालना मिळणार आहे. विकासकामांचा लाभ थेट सर्वसामान्य नागरिकांपर्यंत पोहोचावा, या उद्देशाने आवश्यक विकासकामांना प्राधान्य दिले जात असल्याचे यावेळी उपस्थितांनी सांगितले.

या प्रसंगी यशवंतराव मोहिते कृष्णा सहकारी साखर कारखान्याचे संचालक दयानंद पाटील, कराड पंचायत समितीच्या सभापती नंदाताई यादव, सदस्य ॲड. नरेंद्र नांगरे-पाटील, कृष्णा सहकारी बँकेचे संचालक शिवाजीराव थोरात, माजी उपसभापती पै. दादासाहेब थोरात, सरपंच सुदाम मोटे, उपसरपंच शुभम थोरात, बालिश थोरात, जखिणवाडीच्या सरपंच शोभा नलवडे, उपसरपंच शंकर झिंब्रे, तंटामुक्ती समितीचे अध्यक्ष मनोहर थोरात, ग्रामपंचायत सदस्य दादासाहेब तडाखे, पै. आप्पासो पाटील, हिंदुराव पाटील, सचिन मोहिते, अशोक पाटील, भास्करराव पाटील, महेश गुरव, अधिकराव पवार, शिवाजी कणसे, पै. श्रीकांत थोरात, हरिश शेठ, शंकर थोरात, पै. धनाजी थोरात, पै. मनोहर थोरात यांच्यासह दोन्ही गावांतील ग्रामस्थ मोठ्या संख्येने उपस्थित होते.

जखिणवाडी-कालवडेतील विकासकामे एका नजरेत

* जखिणवाडी – ५६.५० लाख रुपयांचा निधी

* कालवडे – ३२ लाख रुपयांचा निधी

* एकूण विकासनिधी – ८८.५० लाख रुपये

* जिल्हा परिषद शाळेची दुरुस्ती

* संत रोहिदास नगरात काँक्रीटीकरण व पेव्हर्स

* अंतर्गत रस्त्यांची सुधारणा

* रस्ता काँक्रीटीकरण

* कालवडे येथे ग्रामसचिवालय इमारत

* स्मशानभूमीकडे जाणाऱ्या रस्त्याचे काँक्रीटीकरण