गणरायाला निरोप देताना माणुसकीचा घास; रणजीतनाना पाटील मित्र परिवाराचा सेवायज्ञ ५० हजार भाविकांनी घेतला महाप्रसाद; ११ वर्षांची सेवा परंपरा यंदाही अखंड सुरू

 

कराड :  विद्या मोरे

कराडच्या कृष्णा घाटावर भक्ती, सेवा आणि माणुसकीचा अनोखा संगम पाहायला मिळाला. अनंत चतुर्दशीच्या दिवशी गणेशमूर्तींच्या विसर्जनासाठी आलेल्या हजारो भाविकांसाठी रणजीतनाना पाटील व मित्र परिवाराच्या वतीने भव्य महाप्रसादाचे आयोजन करण्यात आले. सुमारे ५० हजारांहून अधिक भाविकांनी या महाप्रसादाचा लाभ घेतला.

अकरा वर्षांची सेवा परंपरा

रणजीतनाना पाटील मित्र परिवाराच्या वतीने गेल्या अकरा वर्षांपासून अनंत चतुर्दशीला कृष्णा घाटावर महाप्रसादाचे आयोजन केले जाते. यंदाही मोठ्या प्रमाणात नियोजन करून सुमारे ५० हजार भाविकांना महाप्रसाद देण्याचे उद्दिष्ट ठेवण्यात आले होते.

पहाटेपर्यंत अखंड महाप्रसाद

सकाळी ११ वाजता सुरू झालेला महाप्रसाद पहाटे ३ वाजेपर्यंत सुरू होता. शेवटच्या गणेश मंडळाचे विसर्जन होईपर्यंत भाविकांसाठी महाप्रसादाची सेवा अखंड सुरू ठेवण्यात आली. त्यामुळे विसर्जनासाठी उशिरापर्यंत आलेल्या भाविकांनाही महाप्रसादाचा लाभ घेता आला.

घरगुती गणेशभक्तांपासून पोलिसांपर्यंत सेवा

सकाळी घरगुती गणेशमूर्ती विसर्जनासाठी आलेल्या नागरिक व महिलांनी महाप्रसादाचा लाभ घेतला. त्यानंतर सार्वजनिक गणेश मंडळांचे कार्यकर्ते, पोलीस कर्मचारी, शासकीय कर्मचारी तसेच नगरपालिका कर्मचाऱ्यांनीही महाप्रसाद घेतला.

गर्दीचे नियोजन; फूड पॅकेटचीही व्यवस्था

कृष्णा घाटावर मोठी गर्दी होणार असल्याने भाविकांची गैरसोय होऊ नये, यासाठी विशेष नियोजन करण्यात आले होते. गर्दीच्या ठिकाणी भाविकांना फूड पॅकेटचे वितरण करण्यात येत होते. त्यामुळे विसर्जनाच्या घाईत असलेल्या भाविकांनाही महाप्रसाद घेता आला.

पुलाव, दालचा आणि पाण्याची बाटली

महाप्रसादामध्ये गरमागरम शाकाहारी पुलाव, दालचा आणि पाण्याची बाटली देण्यात आली. दिवसभर सेवा सुरू असल्याने महाप्रसादाची व्यवस्था सातत्याने करण्यात आली होती.

मान्यवरांकडून सामाजिक कार्याचे कौतुक

माजी राज्यपाल श्रीनिवास पाटील, आमदार डॉ. अतुलबाबा भोसले, आमदार मनोज घोरपडे, माजी आमदार आनंदराव पाटील, पै. संतोष वेताळ तसेच आजी-माजी नगरसेवकांनी कृष्णा घाटावर सदिच्छा भेट दिली. त्यांनी महाप्रसादाच्या आयोजनाची पाहणी करून रणजीतनाना पाटील यांच्या सामाजिक उपक्रमाचे कौतुक केले.

सचिन पाटील यांचे नियोजनावर विशेष लक्ष

रणजीतनाना पाटील यांचे बंधू सचिन पाटील यांनीही संपूर्ण महाप्रसादाच्या नियोजनावर विशेष लक्ष ठेवले. भाविकांना वेळेत महाप्रसाद मिळावा, यासाठी कार्यकर्त्यांशी समन्वय साधत व्यवस्था सुरळीत ठेवण्यात आली.

अनेक हातांनी साकारला सेवायज्ञ

या अखंड सेवा उपक्रमासाठी रणजीतनाना पाटील, सचिन पाटील, सरपंच चंद्रकांत काशीद, सागर आमले, अजित थोरात (आप्पा), अॅड. दीपक थोरात, आशपाक मुल्ला (भैय्या), नितीन महाडीक, कल्पेश मुळीक, विशाल आचारी, राहुल बर्गे, महेश पाटील, दिलीप पाटील, सुहास गोतपागर, अभिजीत माने, किरण पाटील, प्रमोद जगदाळे, सर्जेराव पानवळ, स्वाती पिसाळ, अभय चव्हाण यांच्यासह अनेक कार्यकर्त्यांनी परिश्रम घेतले.

ज्येष्ठ नागरिक व विविध संस्थांचे सहकार्य

‘आनंद विहार’ ज्येष्ठ नागरिक संघ, छत्रपती शिवाजी महाराज क्रीडा संकुल तसेच शिवप्रतिष्ठान हिंदुस्थान, कराडचे सदस्य व कार्यकर्त्यांनीही या सेवायज्ञात योगदान दिले.

भाविकांच्या चेहऱ्यावर समाधान

गणरायाला निरोप देण्यासाठी आलेल्या भाविकांना महाप्रसादाच्या माध्यमातून सेवा देत रणजीतनाना पाटील मित्र परिवाराने माणुसकीची भावना जपली. अकरा वर्षांपासून सुरू असलेली ही सेवा परंपरा यंदाही मोठ्या उत्साहात आणि नियोजनबद्ध पद्धतीने पार पडली. महाप्रसादाचा लाभ घेतलेल्या भाविकांनी या उपक्रमाचे कौतुक केले.